?Адамның миында «мына ақпарат маған ұнамайды» деп оны өшіріп тастайтын «тетік» жоқ. Демек адамның қабылдаған кез келген ақпараты оған еріксіз ой салып, оның дүниетанымына әсерін тигізбей қоймайды.
⠀
?Жақсы, позитив ойлар адамның жандүниесін нұрландырып, жақсы істерге жетелейді. Ал жаман, негатив ойлар адам жанын құлазытып, құлықсыздыққа итермелейді. Адамға ақпараттың басым бөлігін достары, қоршаған ортасы береді.
⠀
?Сондықтан болса керек қазақта «Дос жылатып айтады, дұшпан күлдіріп айтады», «Жаман достан жақсы дұшпан артық», «Жақсымен жолдас болсаң – жетерсің мұратқа. Жаманмен жолдас болсаң – қаларсың ұятқа» деген қанатты сөздер кең қолданыста.
⠀
?Құранның мына аятында бұл жайлы былай делінеді: «Қап, әттеген-ай, өзіме де обал жоқ. Пәленшені дос тұтпай-ақ қойсамшы. Маған жеткен тағылым-насихатқа толы Кітаптан мені алыстатып, адастырған сол», – деп аһ ұрып, бармағын шайнайды. Шүбәсіз шайтан адамды қысылтаяң күн туғанда тастап кете барады» делінген. (25/28, 29)
⠀
?Баршамыздың жақсылыққа жетелейтін достарымыз мол болғай!
ЖАҚСЫ АДАМДЫ ДОС ТҰТ!
( 5 )
?Аквариумда ұсталған акула небәрі 2 метрге дейін ғана өседі екен. Ал мұхитта тіршілік кешсе 4,5 метрге дейін өсетін көрінеді. Демек балықтың өсіп-дамуы оның өмір сүретін мекенімен, қоршаған ортасымен тығыз байланысты.